Gecələri soyuq olur qürbətin
Sensiz olmaq ölümdəndə çox çətin.
Qılınc təkin kəskin olub həsrətin
Ürəyimi doğrayıbdır bu xəncəl
Sənsiz yaman darıxmışam, qayıt gəl.

Sənsiz olmaq ola bilməz, yalandı.
Bir gün keçdi, dedim nə çox yubandı.
Həsrətindən ürəyim parçalandı
Kimsə buna olmayacaqdır əngəl
Sənsiz yaman darıxmışam,qayıt gəl.

İllər oldu sanki səni görmürəm,
Sənin üçün yaşayıram ölmürəm.
Tutmadıqca əllərini, dözmürəm.
İnan, əlim tutmayıbdır başqa əl,
Sənsiz yaman darıxmışam, qayıt gəl.

İnanma

Yalançı sevgili olsa ürəkdə,
Sevgisin yadına salmaz,inanma.
Həqiqət olmasa qəlbində sevgi,
Adını ağzına almaz, inanma.

Ömrünə ziyanlar dəyərsə sənin,
Üzülsən, əzabla keçsə günlərin,
Vəfasız insanın, yalan sevginin.
Qəmindən gözləri dolmaz, inanma.