Mənə sevgidən danış...

              Solan sevgi deyilsə

Mənə ürəkdən danış...

              Əgər o döyünürsə

Mənə hisslərdən danış...

               Keçən hisslər deyilsə

Mənə könlündən danış...

               Əgər məni sevirsə

Danış, ey gözəlim susma gecə tək

Əmr et, pıçıldasın o yanan ürək

Daniş ey qəlbimin sahibi mələk

Qoy duysun sevgini o əsən külək

Gizlətmə qəlbində o saf hissləri

Yağdır, yağmur kimi gözəl sözləri

Qoyma intizarda yanan gözləri

Daniş, əsirgəmə məndən kəlməni

Sənin eşqin ilə döyünür ürək,

Sən ise susursan yalqız dəniz tək

Söylə eyibmidir sevirəm demək?

Incə duyğuları yara bildirmək

Həsrətlə gözləyib bircə kəlməni,

Ümidsiz yaşadım sənsiz günləri.

Kədərin qoynunda saxlama məni,

Danış, qoy ürəyim dinləsin səni.

Mənə hisslərdən danış...

                   Keçən hisslər deyilsə

Mənə könlündən danış...

                         Əgər məni sevirsə