Türkiyənin Ermənistanla həmsərhəd Qars və İqdır şəhərlərinin əhalisi Ermənistanla sərhədlərin açılmasına etiraz edir. Bunu ANS-ə müsahibəsində Azərbaycanın Qarsdakı baş konsulu Həsən Zeynalov bildirib: «Hamı sərhədlərin şərtlər yerinə yetirilmədən açılmasına etiraz edir. Qars və İqdır əhalisi yerli vətəndaşlar olaraq heç bir halda buna yol verməyəcəklərini deyirlər». 
H. Zeynalovun sözlərinə görə, İqdırda və Ermənistanın Türkiyə ilə həmsərhəd keçid məntəqələrində binalar təmir olunur və yollar abadlaşdırılır.