soz6.com

Pisin siması

abelveliyev — Tue, 15 Sep 2009 05:27:27 GMT

Leonardo da Vinçi "Son Axşam Yeməyi" adlı əsərini çəkərkən böyük bir çətinliklə qarşılaşır.
"Yaxşı"nı İsanın bədənində,"Pis"i isə İsanın yoldaşı olan və son axşam yeməyində ona xəyanət etməyə qərar verən Yahudanın bədənində təsvir etmək məcburiyyətində idi.
Əsəri yarım qoyaraq bu iki insana model olaraq istifadə edə biləcəyi birilərini axtarmağa başladı. Bir gün bir xorun verdiyi konsert əsnasında xordakılardan birinin İsa təsvirinə çox uyğun olduğunu gördü. Onu modellik etməsi üçün atelyesinə dəvət etdi. Saysız qaralama və eskiz çəkdi.
Aradan 3 il keçdi. "Son Axşam Yeməyi" əsərinin tamamlanmasına az qalmışdı.Ancaq Leonardo da Vinçi hələ Yahuda üçün istifadə edəcəyi modeli tapa bilməmişdi.
Leonardonun işlədiyi kilsənin kardinalı, əsəri bir an əvvəl bitirməsi üçün rəssamı tələsdirməyə başladı.
Günlərlə axtardıqdan sonra Leonardo vaxtından əvvəl yaşlanmış gənc bir adam tapdı. Çınqıllar içindəki bu adam sərxoşluqdan özünü itirmiş vəziyyətdə səkinin kənarına sığınmışdı.
Leonardo köməkçilərinə adamı çətinliklə də olsa kilsəyə gətirmələrini söylədi. Çünki artıq qaralama çəkəcək zamanı qalmamışdı. Kilsəyə çatanda köməkçiləri adamı ayağa qaldırdılar. Yazıq,başına gələnləri anlamamışdı.
Leonardo adamın üzündə görülən inancsızlığı, günahı, eqoizmi əsərə əks etdirirdi.
Leonardo işini bitirdiyində, o zamana qədər sərxoşluğun təsirindən xilas olan bərduş gözlərini açdı və bu möcüzə əsəri gördü. Təəccüb və hüzn dolu bir səslə belə dedi:
"Mən bu əsəri daha əvvəl görmüşəm."
Leonardo da Vinçi təəccüblə soruşdu:
"Nə vaxt?"
"Əlimdə ovucumda olanı itirmədən əvvəl. O zamanlarda bir xorda mahnı oxuyurdum, bir çox xəyalım vardı. Bir rəssam məni İsanın siması üçün modellik etməyə dəvət etmişdi."
Yaxşı və pisin siması eynidir... Hər şey insanın yoluna nə vaxt çıxacağından asılıdır...

Rənglərin insana təsiri.

psiko_turanci — Mon, 31 Aug 2009 07:40:42 GMT

***

Əsəb sistemi üçün ən əlverişli açıq, yumşaq, mavi , gümüşü , boz rənglərdir. Qızılı sarı, yaşılı mavi, gümüşü boz rənglər rahatlıq və harmoniya hissiyatı yaradır. Parlaq rənglər fəallığı artırır.Qırmızı , bənövşəyi , əsəb sistemini qıcıqlandırır , görməni zəiflədir.

***

İş , nahar və istirahət otaqlarını müxtəlif rənglərlə ayırmaq məsləhətdir. İş otağı üçün boğuq rəngli üzlük və ya pərdə seçmək daha münasibdir. Arıqlama fikrinə düşsəniz pəhrizə və digər müalicəyə ehtiyac yoxdur. Bunun üçün mətbəxi sadəcə olaraq mavi rənglə boyamaq kifayətdir. Söhbət otağın müxtəlif rəngli üzlüklərlə bəzəmək məsləhət deyil. Bu , gözləri sonra isə bütün bədəni yoracaq, pis əhval-ruhiyyə yaradacaqdır. Belə halın baş verməməsi üçün həmin otağı mavi və yaxud gümüşü yaşıl rənglə rəngləmək və ya üzlük çəkmək münasibdir. Arxasında oturub işlədiyiniz stolun üstünə qərənfil, qızılgül və hər hansı bir parlaq gül qoysanız, dərhal enerjinizin artdığını, beyninizin necə fəal işlədiyini hiss edəcəksiniz.

***

Rəngli işıqlara da diqqət yetirmək lazımdır. Yaşıl və ya digər rəngdə şüşəsi olan lampa iş üçün münasib deyil. Ən münasibi işıqlı və parlaq lampalardır.Müxtəlif işıqlanma zamanı (təbii və sun’i)otağın necə görünməsi nəzərə alınmalıdır. Çünki interyer, onun çalarları, rəngi əhval –ruhiyyəyə , iş qabiliyyətinə və səhhətə tə’sir göstərir.

***

Rəngin daha bir xüsusiyyətini bilmək xeyirlidir. Bu sizə çox şeyi aydınlaşdırıb izah edə bilər. Məsələn: səma rənginə biganə adam hər şeyə qadir olmaq təssüratı yaratmaq istəyir. Həqiqətdə isə o inamsızlıq nümunəsidir. Göy rəng təmizliyi, xeyixahlığı, nisbətən qəmgin təbiəti, sevməyə ehtiyacı , inamlılıq hissini cəmləşdirən adamın rəngidir Boz rəngi quru təbiətli, inamsız , ağır düşüncəli adamlar üstün tuturlar. Qırmızı rəng ehtiraslı , cür’ətli , iradəli , ünsiyyətli, tez coşan , lakin xeyirxah adamlarn rəngidir.Narıncı rəng intuisiyaya güclü meyilli , xəyalpərəst adamları fərqləndirir. Qəhvəyi rəng möhkəm dayanan , ailəsini sevən adət və ən’ənələrə hörmətlə yanaşan adamlar üçün xarakterikdir. Bu rəng xudpəsəndlərdə igrah hissi doğurur. Sarı rəngi təmkinli , sakit təbiyətli, intellektual adamlar sevirlər. Belə adamlar şəraitə asanlıqla uyğunlaşır, diqqəti özünə cəlb etməyi bacarır.
Cəhrayı rəng həyat rəmzidir. Sevgi və xeyirxahlığı, hər şeyə sevinmək bacarığını təsdiq edir.
Rəng terapeyasına uyğun olaraq tibb mütəxəssisləri müalicəvi təsirə malik olan eynəklər yaratmışlar.Onlardan istifadə etmək tamamilə fərdi xarakter daşıyır.Çünki müxtəlif rəngli şüşələrin gözün qlafanına və onun vasitəsilə beyin yarımkürəsinətəsiri olduqca fərdidir. Məsələn : tonusu , əhval-ruhiyyəni qaldırmaq ötrü bəziləri cəhrayı eynəkdən istifadə etməlidir. Başqa birinə isə göy , yaxud yaşıl eynək lazımdır.
Rənglərin “ dilini” bilmək necə deyərlər , onlarla danışmağı bacarmaq səhhətinizə və gündəlik həyat tərzimizə yüngüllük gətirir, bizə rahatlıq bəxş edir.

Yazar: Xudaverdi MEMMEDOV

Hazırcavablıq və ya davranışımızdakı qüsurlar! I-hissə

romeo83 — Mon, 24 Aug 2009 13:55:04 GMT

Hazırcavablıq və ya Davranişimizdakı qüsurlar. I-hissə

Zamanımızda gənclərimiz arasında ən “vacib” olan xüsusiyyətlərdən biri-hazırcavab olmaq,necə deyərlər “söz altda qalmamaq”-dır.nə edirsən et “tutarlı” cavab verərək özünü ondan üstün göstərməlisən. Bir sözlə hazırcavab olmalısan.Deyəcəyin sözün qarşındakına necə təsir edəcəyinin əhəmiyyəti yoxdu.Əsas odu ki ondan savadlı,dünya görşlü olduqunu,omdam çox bildiyini göstərəsən.

Əlbətdə zaman-zaman dahilər filosoflar öz hazırcavablıqları ilə fərqləniblər.

Məsələn:

İbrahim Paşa bir gün şair Nadimdən -Dünyanın ən böyük fatehi kimdir?-soruşur:

Nadim cavab verir: - Kim ən çox könül fəth etmişsə odur.

Başqa bir misal:

Əbdülhəq Hamidin evindəki bir məclisdə söhbət gənclik və qocalıqadan düşür.Söhbət əsnasında yaşı keçmiş bir nəfər üzünü şairə tutub: -Ancaq ürək qocalmır!-deyir:

Əbdülhəq Hamid isə belə cavab verir. -doğrurdur ürək qocalmır,ancaq qocalmış bir bədəndə də qalmaq istəmir.

Bu cür misalların sayını artırmaq olar.Ama mənimm dediyim başqa bir çeydi.Özünü qarşındakından üstün göstərmək üçün edilən hazırcavablıqlar.

Bəlkə də lazımi məqamda nadana öz nadanlıqını göstərmək üçün lazımdı bu...nə isə çox uzatmayım.nəzərdə tutduğum “hazırcavablar” haqda bir iki misal.

1.Qəliz bir cümlə işlədir. -Anlamadım. -Anlasaydın şaşırardım zaten

2.-sənə cavab verməkçün sənin səviyyənə enmək lazımdır. -çox düz buyurursan.hələ mənim səviyyəmə çatmağına çox var.

3.-başa düşmədim - başa düşməkçün baş lazımdı....

Nə isə uzatmayım Yəqin bildiz söhbət nədən gedir. Məncə aşağıdakı məqalədə hər şey daha aydın yazılıb.

Sözü zarafatla deyirlər...

Sümeyra Irmak Marketdən aldığım əşyaları torbalara doldururdum. Orada işləyən qızlı-oğlanlı bir dəstə də söhbət edirdilər. Qızlardan biri rəfiqəsinə yanındakı oğlanı göstərib “Nişanlındır?” - deyə soruşdu. O biri qız da qəhqəhə ilə gülüb: “Yox aaaz! Mən meymunla nişanlanaram heç!” - deyə cavab verdi. Doğrusu, bu sözlərdən dəhşətə gəldim. Başımı qaldırıb oğlanın üzünə baxanda isə daha da pis oldum. O da ünvanına deyilən bu sözlərdən yaman pərt olmuş, yerindəcə donub qalmışdı... Mən qapıdan çıxanda qız etdiyi səhvi düzəltmək istəyirmiş kimi oğlana: “Xətrinə dəyməsin eee! Zarafat eləyirəm”, - deyəndə ürəyimdə “üzru qəbahətindən böyük” deməkdən özümü saxlaya bilmədim... Zarafat edirmiş!.. Bunun harası zarafatdır? Zarafat sözünün hərfi mənasında belə bir zəriflik olduğu halda, belə kobud, təhqir dolu sözlər necə olub ki, bizim kimi nəcib bir millətin dilinə zarafat adı ilə girib. Yoxsa, bizim zarafat anlayışımız dəyişib? Gülmək, güldürmək məntiqimiz korşalıb? Bir insana, bağışlayın, heyvan adı yaraşdırmağın, ürəyini sındıran, şəxsiyyətini təhqir edən sözlər ünvanlamağın harası zarafatdır?..
Bu gəncləri də günahlandıra bilmədim, çünki gör-götür dünyasıdır və onlar da ətraflarından belə görüblər. Televizoru açırsınız, mənəviyyatımıza zərbə vuran serialların biri qurtarıb o biri başlayır. Elə bil xüsusilə hazırlanıbmış kimi, hər biri bir mənəvi dəyərimizi gərəksiz göstərməyə çalışırlar. Zərbəyə məruz qalan dəyərlərimizdən biri də sözdən istifadə etmək qabiliyyətimizdir. Hər iki sözdən bir qəhqəhə çəkib gülən, hər şeyi, gülməli olsun və ya olmasın, zarafat mövzusuna çevirən riyakar xarakterlər bizi də özlərinə bənzədirlər yavaş-yavaş. Çünki qarşısındakını pərt edə biləcək söz deyə bilmək bir “üstünlük” sayılır artıq... Sonra bu ulduz seçməyə çalışan proqramlardakı münsiflər heyətinə də təəccüb edirəm. İstisnasız olaraq hər kanalda ulduz seçirlər.

Bura gələn gənclər hərəsi bir ümidlə qabiliyyətlərini nümayiş etdirmək, keçirilən bu müsabiqədə qalib gəlmək istəyirlər. Onları qiymətləndirən tanınmış adamlar isə onlara qiymət verərkən elə sözlərdən istifadə edirlər ki, adamın inanmağı gəlmir. Əslində buna qiymət yox, elə təhqir demək olar... Axı bu necə münsiflikdir, bu necə insafdır? O gənclər bu qədər təhqiri bu qədər millətin qarşısında “həzm edərək” necə ulduz olacaqlar? Yazıq deyilmi? Gənclərin şəxsiyyətini millətin sizə hörmətlə təqdim etdiyi o yüksək mərtəbədən təhqir etmək sizə yaraşarmı? Sonra bu kanallara baxan xaricilər ziyalı insanlarımızın gənclərimizə necə “tərbiyə” verdiyini görüb təəccüblənməzlərmi? Ən əsası isə ustadlarınız sizə beləmi davrandı?.. Bir insanın hamının gözü qarşısında belə rahat-rahat təhqir edilməsini, ən yumşaq ifadə ilə insan hüquqlarına zidd hesab edirəm. Belə proqramlara baxa-baxa biz də təhqir edən “zarafatcıllara” çevrilirik. Öz aləmimizdə hazırcavablıq edrirk, zəkamızın itiliyini göstərib insanların gülüşünə səbəb oluruq. Ancaq əslində başqasını komik vəziyyətə salırıq. Hətta “Bizimlə belə davransaydılar, xoşumuza gələrdimi?” deyə düşünmürük. İnsanlara lağa qoymaq, şikəstlikləri ilə və ya fiziki qüsurları ilə istehza etmək nə insanlığımıza yaraşar, nə də mənəviyyatımıza... Zarafatın da estetik bir tərəfi olmalıdır. Həm hadisələrdəki ziddiyyətləri ifadə etməli, həm də ağıllı bir təfəkkürün məhsulu olmalıdır. Üstəlik, mənasız sual verən insanları tərbiyə etməlidir... Məsələn, əlinizdə zibil torbası gedirsiniz. Biri sizdən: “Zibil atmağa gedirsən?” - deyə soruşur. Siz də o insana: “Yox, darıxdılar, hava alıb qayıdacağıq”, - deyə cavab verirsiniz. Bu artıq zarafatdır. O insan bu cavabdan həm ibrət götürəcək, həm də bir daha belə mənasız suallar verməyə cəsarət etməyəcək... Hər şeydə ölçü olduğu kimi insanlarla zarafatda da bir ölçü olmalıdır. Bunun “tərəzisi” isə, “Bu zarafatı mənə etsəydilər, xoşuma gələrdi mi?” - sulaının cavabıdır. Necə deyərlər, hörmət görmək üçün yeganə yol hörmət etməkdir. İnsanlara nə qədər qiymət veririksə, bizim də qiymətimiz o qədərdir...

Şəfqət və mərhəmətdə günəş kimi ol,

Qüsurları örtməkdə günəş kimi ol,

Dostluq və qardaşlıqda axar su kimi ol,

Təvazdə torpaq kimi ol

Hiddət və qəzəbdə ülü kimi ol,

Hər nə olursan ol,

ya olduğun kimi görün ya da göründüyün kimi ol!

romeo 83

Əbülfəz Elçibəyin vəfatının 9-cu ildönümüdür

clumsy — Sat, 22 Aug 2009 12:47:09 GMT

Ə. Elçibəy 2000-ci il avqustun 22-də Türkiyənin Gülhanə Hərbi Tibb Akademiyasında dünyasını dəyişdi. O, Fəxri Xiyabanda dəfn olunub

Bu gün Milli Azadlıq Hərəkatının liderindən olan Əbülfəz Elçibəyin vəfatının 9-cu ildönümüdür. Ə. Elçibəy Azərbaycanın müstəqilliyi uğrunda 1988-ci ildən başlayan xalq hərəkatına liderlik edənlərdən olub. Müstəqillik tarixinin aparıcı hərəkatı olan Azərbaycan Xalq Cəbhəsinin sədri seçilib. 1992-ci il iyunun 7-də Azərbaycanda keçirilən prezident seçkilərində ölkənin prezidenti seçilib.
Ə. Elçibəyin hakimiyyəti dövründə Sovet qoşunları Azərbaycandan çıxarılıb, ölkənin milli valyutası dövriyyəyə buraxılıb, ali məktəblərə qəbul imtahanlarında test üsulu tətbiq edilib.Ə. Elçibəy 2000-ci il avqustun 22-də Türkiyənin Gülhanə Hərbi Tibb Akademiyasında dünyasını dəyişdi. O, Fəxri Xiyabanda dəfn olunub.

ZAMAN-dan

Müqəddəs Ramazan ayı

Nurul_Eyn — Thu, 20 Aug 2009 18:54:03 GMT

ORUCUN HÖKMÜ

Əvvəla oruc nə deməkdir???
Oruc - niyyət edib dan yeri söküləndən gün batanadək (yemək-içmək, cinsi əlaqə və başqa bu kimi) orucu pozan şeylərdən özünü saxlamaq deməkdir. Ramazan ayındə oruc tutmaq Allahu Təalanın əmridir və bu hər bir müsəlmana vacibdir. Uca Allah buyurur:
«Ey iman gətirənlər! Sizdən əvvəlkilərə vacib edildiyi kimi sizə də oruc tutmaq vacib edildi ki, bəlkə (pis əməllərdən) çəkinəsiniz.» (əl-Bəqərə, 2:183)

ORUCU TUTMAĞA NECƏ NİYYƏT EDƏK

Ramazan ayını oruc tutmaq üçün ay girməmişdən niyyət etmək kifayətdir. O ki qaldı niyyət etməyə, qeyd etmək lazımdır ki, niyyətin yeri qəlbdir, bunu tələffüz etmək zəruri deyil. Ramazan ayında üzrlü səbəbdən orucu pozan kəs üzr aradan qalxdıqdan sonra oruc tutmaq üçün yenidən niyyət etməlidir. Ramazan ayının hər günü üçün ayrıca niyyət etmək şərt deyil, Ramazan ayını oruc tutmaq üçün ay girməmişdən olunan niyyət kifayətdir.

SƏHUR
(Oruc tutmaq üçün səhər yeməyi)

Səhur, yə'ni sübh tezdən müəyyən olunmuş vaxtda, sabah namazı girməmişdən yeyilir. Əlbəttə, sübh tezdən qalxıb yemək vacib deyil, amma bunu etmək müstəhəbdır və Peyğəmbərimiz (s.a.s)-in sünnətinə uyğundur. Peyğəmbər səllallahu aleyhi və səlləm demişdir: "Dan yeri ağarana yaxın səhur edin! Həqiqətən, səhurda bərəkət var." (Bu hədisi Buxari və Muslim rəvayət etmişdir).

İFTAR

Oruc açmaq yəni iftar, gün batdıqdan sonra edilir. Uca Allah buyurur:
«Sonra gecəyə qədər (gün batana kimi) orucunuzu tamamlayın.» (əl-Bəqərə, 2:187). İftarı gün batdıqdan dərhal sonra etmək daha əfzəldir. Çünki Peyğəmbər səllallahu aleyhi və səlləm hədislərin birində iftarını ilk vaxtlarda açan bəndəni belə müjdələmişdir: «İnsanlar iftarı əvvəl vaxtında, səhuru isə axır vaxtında yeməklə xeyrə nail olarlar.» (Bu hədisi Buxari və Muslim rəvayət etmişdir)

Oruc hər bir həddi-buluğa çatmış müsəlmana vacibdir: "Ey iman gətirənlər! Oruc tutmaq sizdən əvvəlki ümmətlərə vacib olduğu kimi, sizə də vacib edildi. Bəlkə, (bunun vasitəsilə) siz pis əməllərdən çəkinəsiniz" (Qurani-Kərim, əl-Bəqərə surəsi,183).

ORUCUN FƏZİLƏTİ

Peyğəmbər (s.a.s) demişdir: "Cənnətdə Rayyan adlanan bir qapı var. Qiyamət günü bu qapıdan yalnız oruc tutanlar daxil ola bilər..." (əl-Buxari, 1896). "Ramazan ayını imanla, həm də savabını Allahdan istəyərək oruc tutan kimsənin keçmiş günahları bağışlanır" (əl-Buxarı, 1901).

ORUCU TUTAN ŞƏXS DİLİ İLƏ GÜNAH ETMƏKDƏN

(söyüş söymək, qeybət etmək, böhtan atmaq və s.) çəkinməlidir. Peyğəmbər (s.a.s) demişdir: "Oruc insanla günah arasında sanki bir pərdədir. Sizdən biriniz oruc tutduqda, pis söz danışmasın! Onu söyənə və ya vurana: "Mən oruc tutmuşam"" desin (əl-Buxari, 1894). Peyğəmbər (s.a.s) deyib: "Pis söz danışan və ona əməl edən şəxsin yemək-içməyini tərk edib, oruc tutmağına uca Allahın ehtiyacı yoxdur" (əl-Buxari, 1903).

ORUCU POZMAYAN ŞEYLƏR

ətir vurmaq, çimmək, suyu udmamaq şərti ilə ağızı və burunu yaxalamaq, dili ilə yeməyin dadını öyrənmək, sürmə vurmaq, tüpürcəyi udmaq (bəlğəmdən başqa), həyat yoldaşını şəhvət olmadan öpmək (cinsi əlaqəyə girməmək şərti ilə). Ramazan ayında gecə vaxtı yemək-içmək və həyat yoldaşı ilə cinsi əlaqəyə girmək olar. Qanın tibbi yoxlama üçün verilməsi caizdir...

ORUCU POZAN ŞEYLƏR

qəsdən qusmaq, gün batmamış oruc tutmaq niyyətindən dönmək, İslamdan çıxmaq, bilərək yemək və içmək (əgər oruc tutan yaddan çıxararaq, yeyər və yaxud içərsə, onun orucu pozulmur), siqaret çəkmək, saqqız çeynəmək, qidalandırıcı iynələri vurdurmaq, bilərəkdən məni (sperma) ixrac etmək, aybaşı və doğuşdan sonrakı qanaxma (əgər günbatandan əvvəl olubsa), gündüz vaxtı cinsi əlaqəyə girmək.

QƏDR GECƏSİ

Ramazan ayının axır on gününün tək günlərinə təsadüf edilir...

HƏR BİR MÜSƏLMAN RAMAZANIN AXIRINDA

fitrə-zəkat verməlidir: bunun miqdarı təxminən 2,5 kq əsas yeyinti məhsulu olur (Məsələn, xurma, düyü, un, kişmiş, arpa, buğda və s.)...

Yaşanmamış sevgi!

romeo83 — Sun, 16 Aug 2009 04:17:35 GMT

Yaşanmamış sevgi!

Goylerden yağışlar yağdı,bir bahar günü,çiçəklər o gün başqa türlü açdılar,Günəşə sarı boylandılar,göylər tərtəmiz,ama yağış yağır.Yəqin təbiət hazırlanırdı,yuyurdu hər yanı dünyanı çirklərdən təmizləyirdi.o sabah quşlar da başqaydı.o qədər şirin idi səsləri, o qədər şövqlə oxuyurdu, bülbüllər ötüşürdü çəməndə.ilk qaranquş da gəlmişdi.qanad açmışdı göylərə.yağış qanadlarını daha da parlaq etmişdi bu bahar günü.bir başqa idi bu bahar Və sən doquldun bu bahar günü...

və bir bahar günü yene hemnkii tek...yene her şey bambaşqaydı bu bahar sabahında.Mənə rastladı tale səni bu bahar günündə.Anidən oldu hər şey, baxışlar daş... hər şey anidən oldu. Beləcə rastladıq bir birimizə... Və yenə bir bahar günü açdıq bir-birimizə sevgimizi.. Men seni sözsüz sevdim. sözsüz , kelmesiz. qəlbimdə yazildı sevgim.gözlərimdə oxundu.axan sular sevgimizdi bizim açan her çiçek bizim sevgimiz idi.suların şırıltısı,quşların nəğməsi sevgimiz idi. Elə gözəldi ki yaşadıqlarımız.

Heç bitməzdi deyirdin. Ayrılıqdan bəhs edən hekayələrin təsirindən yaşaran gözlərlə baxıb söyləyərdin.”Heç əsməsydi ayrılıq küləyi üstümüzdən.Düşməsəydik ayrılığın yadına.Kaş biz ayriliğın yadından çıxaydıq”Oxuma deyerdim.oxuyardin ama.deyerdin ki oxuyaq ki,ayrılığın,ayrılıq acısının nə olduğunu bilək ki ayrılmayaq heç zaman.Sən demə ayrılıqdan oxuya-oxuya özümüzü ayrılığın yadına salırmışıq.hər dəfə ayrılıq bizə bir az da yaxınlaşırmış. Sən unutdun o sözləri,sevgini.Ayrılıq unutmadı bizi.”Vefasız” olmadı ayrılıq.

Yox mən sənə Vəfasız demirəm.Taleyim vəfasız cıxdı.Yox,yox taleyim də vəfasız deyil.Onsuz da yer üzərində sonu xoşbəxt nigahla bitən sevgi tapmaq çətin məsələdi.Vüsal sevgi üçün ayrılıqdı elə...Leyli və Qeys vüsala çatsaydı,Qeys Məcnun olub “Leyli və Məcnun” dastanı yaranmazdı ki...

Yene bir bahar günü ...Ayrıldıq.Mənə bu ayrılığa dözmək qalır.Dözməliyam çarəm nədir. Bir bahar günü.yenə çiçəklər açıb,yenə günəş əlvan rənglərə boyayıb çiçəkləri.Ama bu bahar o bahar deyil,bu sabah o sabah deyil,çiçəklər də o çiçəklər deyil.Təkcə quşlar o quşlar ola bilər.onların da nəğməsi dəyişib...çox şey dəyişib,təkcə bir şeydən başqa: S E V G İ!

Heç kəs unudulmur,lakin çox az adam xatırlanır

Romeo

YALANÇI (bilə-bilə sən bir günah, mənsə bir günahkar oldum)

mehriban-p — Sat, 15 Aug 2009 20:09:52 GMT

Bəs siz kimin üçünsə yalançı ola bilərsinizmi? Kimə görəsə yalan danışa bilərsinizmi?

Belə sürücü görülmədi hələ

NEON — Tue, 11 Aug 2009 12:03:36 GMT

Almaniyada 42 ildir səlahiyyətsiz masin istifadə edən 54 yaşındakı sürücü polis idarəsində tutuldu. Almaniyada 42 ildir səlahiyyətsiz masin istifadə edən 54 yaşındakı sürücü polis idarəsində tutuldu. Amberg şəhərində təkrarlanan idarə əsnasında tutulan 54 yaşındakı səlahiyyətsiz Alman, daha 12 yaşındaykən atasını avtomobiliylə bir lokala aparıb evinə gətirdiyini izah etdi. Heç qəza etməməklə də öyünən səlahiyyətsiz sürücü, bu günə qədər heç səlahiyyət imtahanına girmədiyini qeyd etdi.

ÜMİD və ÜMİDSİZLİK arasında.....(ümid olmayan yerdə kimin üçünsə bir ümid olun)

mehriban-p — Sun, 09 Aug 2009 14:01:55 GMT

ÜMİD və ÜMİDSİZLİK arasında.....

(ümid olmayan yerdə kimin üçünsə bir ümid olun)

Telefonla bağlı bilinməyənlər

NEON — Sat, 08 Aug 2009 20:40:28 GMT

BEYNELXALQ TECİLİ NÖMRE:

112eger telefonunuz ehate sahesi xaricidedirse ve tecili bir veziyyet var ise, 112i tercümen.
Mövcud olan her hansı bir network tapılıb, kömek isteye bilersiniz.
Daha maraqlısı, düyme komanda desteniz kilitli olsa dahi, 112 çevrile biler.

EGER UZAQTAN EMRLİ VASİTE AÇARINIZI VASİTENİZDE KİLİTLİ UNUTSANIZ :

Vasitenizin ehtiyat açarı baska birinde varsa, aradakı mesafe ne olursa olsun, o insani cib telefonunuzla axtarın. Vasitenizin qabısına 25- 30 sm uzaqda cib telefonunuzu yapış, qarsı teref de ehtiyat açarın acma duymesine(cep telefonuna yeqin bir mesafede tutaraq) basın.
Qapınız acilacaktir ve Baqaj icin de kecerlidir .

GİZLİ BATAREYA GÜCÜ :

Eyer cib telefonunuzun batareya seviyyesi çox zeifse ve tecili bir telefon gözleyirsensenik; Nokialar, ehtiyata batareyaya malikdir. *3370# klavise basaraq, telefonunuzu, ehtiyat batareyala islek hala getire bilersiniz. Cihazınız batareya seviyyesinde %50 artis gösterecek ve telefonunuzu batereya ettiyinizde, ehtiyat batareyanız da tekrar dolacaq.