3 hektarlıq qədim ibadətgahın eramızdan əvvəl I minilliyə xarakterikdir

Naxçıvan Muxtar Respublikasında aparılan arxeoloji qazıntılar zamanı ilk dəfə olaraq qranit büt tapılıb. Azərbaycan Milli Elmlər Akademiyasının Tarix, Arxeologiya və Etnoqrafiya İnstitutunun əməkdaşı Bəhlul İbrahimlinin verdiyi məlumata görə, Ordubad rayonunun Gilançay vadisində, Sumbatan ərazisində aparılan araşdırmalar zamanı tapılan qranitdən hazırlanmış göy-qara bütün çəkisi 30 kiloqrama yaxındır.

Araşdırmalar zamanı aşkar edilən tikinti qalıqları 3 hektarlıq ərazidə qədim dövrə xas bütpərəstliyin mövcudluğu və ərazinin qədim ibadətgah olduğu sübut olunub. B.İbrahimli bildirib ki, ibadətgahda giriş və çıxış yollarının, habelə dördbucaq çıxıntıların olması eramızdan əvvəl I minilliyə xarakterikdir. Bu tip abidəyə Naxçıvan Muxtar Respublikasında ilk dəfə rast gəlinir. Ərazidə araşdırmalar gələn il davam etdiriləcək. // APA