 ABŞ-da nəşr olunan “Forbes” jurnalı illik gəlirləri yüksək olan futbolçuların top-onluğunu müəyyənləşdirib.
Siyahıya İngiltərə milli komandasının keçmiş kapitanı Devid Bekhem başçılıq edir. Onun “Los-Anceles Qalaksi” klubu ilə müqaviləsindən və reklam müqavilələrindən illik gəliri 30,8 milyon avro təşkil edib. Siyahıda 2-3-cü yerləri “Barselona”lı Ronaldinyo və Tyerri Anri tutur. Birincinin illik gəliri 20,5, ikincininki isə 15,4 milyon avro (Bekhemin gəlirinin tən yarısı qədər) olub. Sonrakı yerləri 11,6 milyon avro ilə Kriştianu Ronaldo (“Mançester Yunayted”) və 10,9 milyon avro ilə Andrey Şevçenko (“Çelsi”) bölüşdürür. Altıncı yerin sahibi İtaliya millisinin “Real Madrid”də forma geyən kapitanı Fabio Kannavarodur - 10,9 milyon avro. Maraqlıdır ki, onluğun aşağı pillələrini ingilis klublarının futbolçuları tutur: Con Terri (“Çelsi” - 10,7), Stiven Cerrard (“Liverpul” -10,7), Ueyn Runi (“Mançester Yunayted” - 10,2), Mixael Ballak (“Çelsi” - 10,1). |
