Ermənistan silahlı qüvvələrinin bölmələri aprelin 11-də saat 11.55-dən başlayaraq aprelin 12-i səhər saatlarına kimi fasilərələ atəşkəs rejimini pozublar. Erməni ordusu saat 11:55-dən 12.15-dək Ermənistanın Berd rayonu Mosesqex kəndində yerləşən mövqelərdən Azərbaycan Silahlı Qüvvələrinin Tovuz rayonunun Ağdam kəndi sahəsindəki mövqelərini, eləcədə saat 22.15-dən 22.30-dək Füzulinin adsız yüksəkliklərdə və Qərvənd kəndi, aprelin 12-də saat 01.30-dan 02.40-dək Tərtərin Çiləbürt və Qızıl Oba kəndləri, saat 05.20-dən 05.40-dək Ağdamın Cəvahirli kəndinin yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Müdafiə Nazirliyinin mətbuat xidmətindən ANS PRESS-ə verilən məlumata görə, bütün hallarda düşmən cavab atəşilə susdurulub, itki yoxdur.