Müasir dövrdə ideal qadından danışanda gözümüz önünə hündür, arıq xanım gəlir. Amma əslində kişilər belə düşünmür. Onlar hesab edirlər ki, ideal qadının boyu 170 sm-dən hündür olmamalıdır. Amma saçın rəngi məsələsində kişilərin mövqeyi dəyişməz olaraq qalır. Ən gözəl qadın mavi gözlü və sarı saçlı olmalıdır. Ən maraqlısı da odur ki, planet əhlinin güclü qismi belə hesab edir ki, ideal qadın o qədər də çox pul qazanmalı deyil. Bu nəticələr İngiltərədəki tanışlıq saytlarından biri tərəfindən aparılıb. Sorğuda 66 min internet istifadəçisi iştirak edib. Onların əksəriyyəti bildirib ki, ideal qadın 42 ölçülü paltar geyməli, çəkisi isə 60 kq olmalıdır. Arzuların qadını həm də tək yaşamalı və nəyə görəsə mütləq eynək taxmalıdır. Təəssüf ki, kişilər əks cinsin yüksək intellekt sahibi olmasını da arzulamırlar. Əvəzində qadınların şən, bütün məsələlərə müsbət mövqedən yanaşmasını istəyirlər. Nəhayət, ingilis kişiləri xanımların ev işlərini görmək qabiliyyətinə ümumiyyətlə əhəmiyyət verməyiblər.
