Belqradda «Avroviziya-2008» mahnı müsabiqəsində iştirakçıların çıxış siyahısının müəyyənləşdirilməsi üzrə püşk atma keçirilib. 43 ölkənin iştirak edəcəyi müsabiqədə bu ildən etibarən yalnız Böyük Britaniya, Almaniya, Fransa, İspaniya və ötən il qələbə qazanan ölkə bir başa finalda çıxış edəcək. Digər ölkələr mayın 20-si və 22-si yarımfinal mərhələsində iştirak etməlidir. Müsabiqənin qalibi isə mayın 24-də müəyyənləşdiriləcək. Püşk atmanın nəticələrinə əsasən mayın 20-də Avroviziya-2008-in ilk iştirakçısı Çernoqoriya olacaq. İlk çıxışını mayın 20-də edəcək Azərbaycan təmsilçisi siyahıda 7-cidir.            [18 Mart, 2008]