Moskvada inanılmaz möcüzə baş verib.

Moskva şəhərinin Timiryazevski rayonu ərazisində yerləşən avtomobil dayanacağındakı gözətçi köşkündə yanğın baş verib. Köşkdə gözətçi işləyən Mənsur Səlimov adlı soydaşımızın elektrik sobası ilə ehtiyatsız davranması nəticəsində köşkü alov bürüyüb. Həmin vaxt isə içəridə Mənsurun qalın dəri ködəkçəsi, papağı, şərfi, kecə yemək üçün aldığı ərzaq, pasportu, habelə Qurani-Kərim olub. Alov bir anın içində böyüdüyündən Mənsur içəridən heç nəyi götürə bilməyib, sadəcə, özünü xilas etmək üçün bayıra atıb.

Az sonra hadisə yerinə yanğınsöndürənlər gələrək alovu ram edə biliblər. Amma köşk yanaraq külə dönüb. Yanğınsöndürənlər gedəndən sonra Mansur gözlərinə inanmayıb: köşkdə hər şey külə dönsə də, Qurani-Kərimə və Mənsurun pasportuna - Mansur onu nədənsə müqəddəs kitabın altına qoyubmuş - heç bir xətər toxunmayıb.