Çoxdan gözlənilən kitab nəhayət işıq üzü gördü

   Çağdaş Azərbaycan şeirinin ən dəyərli imzalarından biri Xaqani Hass-ın çoxdan gözlənilən şeirlər kitabı nəhayət ki, işıq üzü görüb. Hazırda Türkiyədə yaşayan istedadlı şairin "Böyüməyə Prolegomena" adlı kitabı da məhz qardaş ölkədə nəfis tərtibatda çap olunub.

   Xaqani Hassın şeirləri öz dili və sürreal tərzi ilə Azərbaycan şeirində tamamilə yenidir.

   "Şeir mənim üşün dildir; o, duyumların, anlamların plüralizmindən yaranır, dilin çoxmənalılığından meydana gəlir. Mənim üşün "şeir nədir" sualı "dil nədir" sualına ekvivalentdir... Mənim şeirimdə məntiqlə məna axtaranlar yanılırlar; zehnin bəsit, primitiv məntiq vərdişləriylə dərk edəcəkləri, öz həyat təcrübələrinə bənzər, öz təəssüratlarına oxşar "mənaları" mənim əsərlərimdə tapa bilməyəcəklər."- deyə müəllif bildirir.

   "Böyüməyə Prolegomena" kitabı artıq şairin dostları tərəfindən Bakıya gətirilərək, kitab mağazalarına paylanılıb. Kitabı əldə etmək istəyənlər həmçinin "Alma" qəzetinin redaksiyasına da müraciət edə bilərlər.