Axtarış "mühərriki" Google, "Google Chrome" adlı yeni veb-bələdçini sınaq məqsədi ilə istifadəyə buraxıb.
"Qaynar.info"-nun "Google"-nin rəsmi bloguna istinadən verdiyi xəbərə görə, "Google Chrome" adı verilən və "Windows" istifadəçilərinin yararlana biləcəyi yeni veb-bələdçinin Beta versiyası 100-dən artıq ölkədə sınağa buraxılacaq. Şirkət bu mövzuda geniş bir müzakirə açmağı hədəfə alıb.
"Google"-nin yeni xidmətinin "Mozilla" , "Explorer" və "Opera" kimi tanınmış veb-bələdçi markalarına ciddi rəqib olacağı gözlənilir. Artıq sınaq versiyasını yükləyən azərbaycanlı istifadəçilər də "Google Chrome"-nin xeyli rahat olduğunu bildirirlər.