Bu gün tanınmış qırğız yazıçısı Çingiz Aytmatov dəfn ediləcək. Yazıçı ilə vida mərasimi Qırğızıstan Dövlət Filarmoniyasında keçirilir. Vida mərasimində bir sıra dövlət rəsmiləri və nazirlər də iştirak edirlər.
Vida məraisimi Ala Too meydanında davam edəcək. Burada respublika himni sədaları altında dövlət bayraqları endiriləcək və bir dəqiqəlik sükut olacaq.
Vida mərasimindən sonra mərhumun cənazəsi bütün şəhərdən keçirilməklə ölkənin cənub darvazasına aparılacaq.
Qeyd edək ki, bu gün saat 14.00-a kimi Bişkekin əsas magistral yollarında nəqliyyat vasitələrinin hərəkəti dayandırılıb.
Dəfn mərasimi ilə əlaqədar olaraq hüquq mühafizə orqanları da gücləndirilmiş iş rejimində işləyəcəklər. Dəfn mərasimində Azərbaycandan mədəniyyət və turizm naziri Əbülfəs Qarayev, Yazıçılar Birliyinin sərdi, Xalq yazıçısı Anar iştirak edir.
Qeyd edək ki, tanınımış yazıçı Çingiz Aytmatov iyun ayının 10-da Almaniyada müalicə edildiyi xəstəxanalardan birində ölüb.