Mənasız bir ömür yaşayırdım mən,
Yaxşı ki sən gəldin mənim ömrümə.
Bağlandım mən sənə, sevdim səni mən,
Yaxşı ki sən gəldin mənim ömrümə.
* * *
Sanki bir ölüydüm, məni diriltdin,
Mənasız ömrümə məna gətirdin,
Sevgi nə deməkdir mənə öyrətdin,
Yaxşı ki sən gəldin mənim ömrümə.
* * *
Əlindən tutanda həyəcanlandım,
Gözünə baxanda alışıb yandım,
Canımsan deməkdən heç yorulmadım.
Yaxşı ki sən gəldin mənim ömrümə.
* * *
Sevgimi etiraf eləyirəm mən,
Sənsiz bu həyatı yaşamaram mən,
Heç vaxt başqasına yar demərəm mən,
Yaxşı ki sən gəldin mənim ömrümə.
* * *
Səncə yetərmi mənə min ömür sənsiz?
Min ömrüm kül olar odsuz, tüstüsüz.
Bülbül yaşayarmı çəmənsiz, gülsüz?
Yaxşı ki sən gəldin mənim ömrümə.
* * *
Əlim çatmayır ki, tutum əlindən,
Sənsiz bil heç nədir bu həyat mənə.
Sevincdən süzülür yaşlar gözümdən,
Yaxşı ki sən gəldin mənim ömrümə.
* * *
Yetərin sevgiyə ehtiyacı yox,
Bil ki sən yetərsən onun ömrünə,
Həyat vermisən sən, bil əvəzi yox,
Yaxşı ki sən gəldin mənim ömrümə. Şeirə münasibətiniz necədir?
Source: http://qeribler.com/yeter/seir | 
Copyright MyCorp © 2025
