Mərakeşdə inanılmaz həbs baş verib. Mərakeşin yaxınlığındakı Ait Ourir kəndində yaşayan 18 yaşlı Yassin Belassal adlı gənc məktəb lövhəsinə azarkeşlik etdiyi İspaniyanın “Barselona” klubunun qısaldılmış adı “Barsa” yazdığı üçün həbs edilib. 18 ay həbs cəzası alan Belassalın günahı, ölkəsinin milli şüarı olan “Allah, Vətən, Kral” şüarının əvəzinə “Allah, Vətən, Barsa” yazması olub. Belassalın ölkənin kralı 6-cı Mohəmmədin əvəzinə “Barsa” yazmasını kralı təhqir mənasına gəldiyini iddia edən hakimlər, gəncə 18 ay həbs cəzası verilməsini istəyiblər. Hadisənin mətbuatda yaılmasından sonra insan haqları təşkilatları etirazlarını bildirmək üçün Mərakeş Ədalət Nazirliyi qarşısında etiraz nümayişləri keçiriblər. Bu arada, internet forumlarıdan edilən çağırışlarda Mərakeşli azarkeşlərin “Barselona” klubundan yardım istədikləri bildirilir.