Ələt-Astara yolunun 181 km-də baş verən qəza nəticəsində bir nəfər ölüb.

Ələt-Astara magistralının 181-ci kilometrliyində, Lənkəran rayonunun Şirinquyu kəndi ərazisində ölümlə nəticələnən yol qəzası baş verib. ANS PRESS-in bölgə müxbirinin məlumatına görə, Masallı rayonuna gəlin dalınca gedən «Mersedes» markalı avtomaşın idarəetməni itirərək yoldan çıxıb və ağaca çırpılıb. Avtomobildə olan və xəsarət alan Liman şəhər sakinləri 20 yaşlı Zahir Rəhimov və Məzahir Məmmədov Lənkəran rayon mərkəzi xəstəxanasının reanimasiya şöbəsinə yerləşdiriliblər. Yaralılardan Zahir Rəhimovun xəsarətləri ağır olduğundan onun həyatını xilas etmək mümkün olmayıb. Məzahir Məmmədovun vəziyyəti hələ də ağır olaraq qalır.
Qəzaya səbəb ilkin versiya olaraq avtoxuliqanlıq göstərilir. Faktla bağlı Lənkəran rayon polis şöbəsində araşdırma aparılır.

SEVDIMALI_PERVIN.