Çin zooparkında pələng ziyarətçini yeyib - 5 April 2008

37 yaşlı Çjan Yaçunun yalnız ayaqları və kəlləsi qalıb

Çinin Xarbin şəhərində zooparkda pələng ziyarətçini yeyib. “Röyters” agentliyinin yerli KİV-ə istinadən verdiyi məlumata görə, zərərçəkən ruhi xəstə Çjan Yaçun martın 24-ü evdən çıxıb və bir daha geri qayıtmayıb. Onun meyiti isə beş gün sonra pələngin qəfəsində tapılıb. Yerli qəzetin məlumatına görə, 37 yaşlı Yaçunun yalnız ayaqları və kəlləsi qalıb. Ailəsinin dediyinə görə, o pələngləri çox sevirmiş.

Qyed edək ki, belə hadisələr Çində tez-tez baş verir. Məsələn, bu ilin fevral ayında sirkdəki şir 10 yaşlı oğlan uşağının əlini dişləmişdi, ötən il isə timsahlar başqa bir oğlan uşağını diri-diri yemişdilər. /ANS PRESS/