Sabah qadınlardan ibarət sərbəst güləş üzrə yığma komandamız Finlandiyada start götürmüş Avropa Çempionatında mübarizəyə qoşulacaq. Qitə birinciliyində ölkəmiz 7 mümkün çəkidən 5-də təmsil olunacaq.

    48 kq-da Mariya Stadnik döşək üzərinə çıxacaq. 59 kq çəki dərəcəsində Elvira Mürsəlova, 63 və 67 kq-larda müvafiq olaraq Olesiya Zamula və Mariya Kaçina baş mükafat uğrunda mübarizə aparacaqlar. Ağırlığı 72 kq olan güləşçilərin yarışında Zümrüd Qurbanhacıyeva Finlandiyada Azərbaycan bayrağını yüksəltməyə çalışacaq.

    Qeyd edək ki, hər çəkidə yalnız bir ölkənin güləşçisi Olimpiadaya qatılmaq imkanı əldə edəcək. Ötən il Bakıda keçirilmiş dünya çempionatında qadın güləşçilərimiz Pekin Olimpiadasına 4 mümkün lisenziyadan 3-ünü əldə etmişdi. Finlandiyada isə bütün ümüdlər yalnız 72 kq çəkidə yarışacaq Zümrüd Qurbanhacıyevaya yönəlib.