İran hökuməti Azərbaycandan idxal edilən təbii qazın həcmini ən azı 10 dəfə artırmağa hazırdır.

Bu barədə APA-ya İran milli qaz şirkətindən məlmat verilib. Şirkətdən deyiblər ki, son payız-qış mövsümündə havaların soyuq keçməsi səbəbindən iranın daxilində qaza olan tələbat əhəmiyyətli dərəcədə artıb və rəsmi tehran türkiyəyə qazın ixracını dayandırmalı olub.

«Azəriqaz» Səhmdar Cəmiyyətində isə bildiriblər ki, Azərbaycan İran vasitəsi ilə Naxçıvana sutkada 1-1,2 milyon kubmetr qaz ötürür, İranın daxili tələbatı üçün isə 1 milyon kubmetr qaz satır. Qaz boru kəmərlərinin hazırkı texniki vəziyyəti isə İrana sutkada 2 milyon kubmetr qaz nəql etməyə imkan verir.