“Xalq ulduzu-2007"dən kənarlaşdırılan bir ifaçının növbəti yarışmada iştirakı narazılıq yaradıb. Bu barədə ”Reytinq" qəzeti yazıb. Qəzet yazır ki, Həlimə Dağlar adlı müğənni Muğam Teatrının solisti olduğu və efirlərdə çox göründüyü üçün layihənin şərtlərinə görə ötən müsabiqəyə buraxılmayıb. Lakin ikinci dəfə onun müsabiqədə iştirakı müsabiqənin digər iştirakçılarında narazılıq yaradıb.

Məsələ ilə əlaqədar layihənin baş prodüseri İlham İsgəndərovla əlaqə saxladıq. İ.İsgəndərov bildirdi ki, H.Dağların ötən müsabiqədə iştirak etməsi haqda deyilənlər doğru deyil: “Həmin xanım vaxtilə Muğam Teatrının solisti olub, indi yox. Digər tərəfdən, o, tanınmış müğənni deyil, heç bir diski, kaseti işıq üzü görməyib. Onun müsabiqədə iştirakı layihənin şərtlərini pozmayıb”.