Anar Mədətov: “O, ”Bayatı-şiraz”la “Segah”ı ayıra bilmir”

Müğənni Ədalət Şükürovun keçmiş prodüseri ilə problemi yaranıb. 6 il Ədalətə prodüserlik etməklə müğənnini məşhurlaşdırdığını deyən Anar Mədətov hazırda “ETA prodakşn”a rəhbərlik edir. Ədalət Şükürov verilişlərdən birində Azərbaycanda prodüserlərlə bağlı problemlərdən danışarkən A.Mədətovu prodüser yox, inzibatçı hesab etdiyini söyləyib.
A.Mədətov isə bundan qəzəblənərək Ədalət Şükürovu savadsızlıqda günahlandırıb: “O necə müğənnidir ki, ”Bayatı-şiraz"la “Segah”ı ayıra bilmir?! Texniki peşə məktəbini bitirib, Milli Konservatoriyadan diplomu isə rüşvətlə alıb. Amma mənim iki ali savadım var və ona bir prodüsser kimi kifayət qədər faydam dəyib".
Eks-prodüserin müğənniyə yönəlik iradlarını öyrənmək üçün Ə.Şükürovla əlaqə yaratmağa cəhd göstərdik. Ancaq cəhdimiz baş tutmadı. Ədalət bəyi də dinləməyə hazırıq.

01.04.2008

Sevdimali_Pervin