Ermənistan silahlı qüvvələri bu gün fasilələrlə atəşkəs regimini pozub.

Erməni ordusu Noyamberyan rayonunun Berkaber kəndi, İcevan rayonunun Azatamut və Vazaşen kəndləri, eləcə də Berd rayonunun Ayqepar, Mosesqex və Parakavar kəndləri yaxınlığında yerləşən mövqelərindən Azərbaycan Ordusunun Qazağın Əskipara və Cəfərli kəndləri, həmçinin adsız yüksəklikləri, eləcə də Tovuzun Əlibəyli kəndi yaxınlığında yerləşən üzbəüz mövqelərini avtomat və pulemyotlardan atəşə tutub.

Müdafiə Nazirliyinin mətbuat xidmətindən ANS TV-ə verilən məlumata görə, düşmən bütün hallarda cavab atəşi ilə susdurulub, itki yoxdur.