Türkiyənin məhşur müğənniləri Məhəmməd Peyğəmbərə həsr olunmuş albom çıxarır
Türkiyənin məhşur müğənniləri birlikdə ilahi albomu çıxarır. “İftixar Abidəmiz Əfəndimiz” adlı albomda Fərdi Tayfur, Muazzəz Ərsoy, Funda Arar, Hakan Altun, Uğur Işılak, Erhan Güləryüz, Fatih Kısaparmak, Zara, Murad Göyəbakan, Orxan Hakalmaz, Əhməd Özxan kimi tanınmış müğənnilər ilahi mahnılar oxuyacaq.
Müğənnilərin oxuduğu ilahilərdən ibarət olan albomdan əldə ediləcək gəlirlə ölkədə təhsil müəssisələri yaradılacaq. Müəssisənin yeri, sənətçilərin istəkləri istiqamətində və ehtiyaca görə müəyyən olunacaq.
“Fond Musiqi İstehsalı” şirkəti tərəfindən hazırlanan albom, 1 Aprel 2008-ci ildə satışa çıxacaq. Albomun davamı olacağını bildirən şirkət rəhbəri Gürkan Vural albomdan əldə edilən gəlirlərlə Türkiyənin müxtəlif yerlərində imkansız uşaqlar üçün 11 ədəd təhsil müəssisəsinin tikiləcəyini söyləyib./ANSPRESS/
© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.
|
