Sevda Ələkbərzadə - 18 March 2008

Yerli şou-biznesdə Sevda Ələkbərzadəni iddialı müğənni kimi tanıyırlar. Yəqin elə bunun nəticəsidir ki, müğənni Azərbaycandan kənara çıxaraq yaradıcılığını və sənətini artıq xaricdə nümayiş etdirir. Bu yaxınlarda əməkdar artist adını alan müğənni xaricdə "Xəzər dənizinin ecazkar səsi" titulunu qazanıb. Müğənninin "Gül açdı" (A Flover in Bloom) adlı albomu artıq Avropada işıq üzü görüb.
Qeyd edək ki, bu ilin aprel ayında müğənni Avropanın etnik musiqi üzrə ixtisaslaşan məşhur "Netvork Medien" səsyazma studiyası ilə üç il müddətinə kontrakt bağlayıb. "Gül açdı" albomu da həmin studiyanın köməkliyi ilə ərsəyə gəlib. Sevdanın xaricdə həyata keçirdiyi yaradıcılıq işləri ilə bağlı bütün hüquqları Almaniya şirkətinə məxsusdur.