Müğənni “Avroviziya”ya “Believe Me” mahnısı ilə gedəcək.
Rusiyanı Belqradda keçiriləcək “Avroviziya 2008”də təmsil edəcək şəxs bazar günü keçirilən milli müsabiqədə müəyyənləşib. Tamaşaçılar və münsiflər heyəti səsvermə yolu ilə Dima Bilanı seçiblər. Müğənni “Avroviziya”ya “Believe Me” mahnısı ilə gedəcək.
Namzədlərin konserti “Akademik” Moskva konsert zalında keçirilib. Rusiyadan olan namizəd iki mərhələdə 25 nəfərin arasından seçilib. Müsabiqə iştirakçıları arasında “A Studio” qrupu, Sergey Lazarev, Aleksandr Panayotov kimi məşhur musiqiçilər də olub.
Qeyd edək ki, bu dəfə “Avroviziya 2008” müsabiqəsinə dünyanın 43 ölkəsindən nümayəndə iştirak edəcək. Yarımfinal mərhələ mayın 22-si, final isə 24-ü baş tutacaq.