Gənc sənətçilər "Dey avto dey" adlı mahnı üçün klip çəkdirirlər.
"Evrovizion-2008"də Azərbaycanı təmsil edəcək Elnur Hüseynov və Samir hazırda Ukraynadadır. Gənc sənətçilər "Evrovizion"a gedəcək "Dey avto dey" adlı mahnısı üçün orada klip çəkdirirlər.
   Samirin prodüseri Yusifdən aldığımız məlumata görə, adıçəkilən mahnıya Ukraynada çox maraqlı bir klip hazırlanır. Maraqlandıq ki, klipin çəkilişi üçün rejissor kimi kim dəvət olunub? Bildirildi ki, çəkiliş üçün yerli klipmeykerlər dəvət olunmayıb. Çox güman ki, klipin rejissoru azərbaycanlı deyil. Samirin şəxsi karyerasına gəldikdə isə məlum oldu ki, gənc müğənni "Evrovizion" müsabiqəsinə hazırlaşmaqla yanaşı, yeni mahnılar üzərində də çalışır. "Gəlmədin" adlı yeni mahnısına da çox güman ki, "Evrovizion" müsabiqəsindən sonra klip çəkdirəcək. May ayında isə Samirin ilk kompakt-diski işıq üzü görəcək. Albomun adı hələ ki konkretləşməyib.