“Beş aydır ki, içki içə bilmirəm. Bundan sonra içkidən heç zaman istifadə etməyəcəyəm”. Bunu APA-ya hazırda Türkiyədə olan və qaraciyər serrozu xəstəliyindən müalicə olunan xalq artisti Yaşar Nuri deyib.
Üç gün əvvəl müalicə olunduğu İstanbul Memorial Xəstəxanasından evə buraxıldığını bildirən Y.Nuri hazırda Türkiyədə mehmanxanada qalır. Aktyor Novruz bayramı ərəfəsində Bakıya gəlib-gəlməyəcəyini dəqiqləşdirmədiyini qeyd edib: “Mənim Bakıya gəlib-gəlməməyim Koray Acarlının qərarından asılıdır. Əgər tez bir zamanda donor tapılacaqsa, o zaman gözləyəcəyəm. Axtarış uzun müddət davam etsə, Bakıya gəlmək istəyirəm. Bununla bağlı qərarı da Koray Acarlı verəcək. Hazırda özümü yaxşı hiss edirəm və vətən üçün darıxıram”.                                               14.03.2008