Belçatov. Vüqar Xeyrullayev - APA-Sport. Azərbaycan milli komandasının müdafiəçisi Saşa Yunisoğlunun çıxış etdiyi Polşanın “Qrotslin” klubu böyük hesablı qələbə qazanıb. “APA-Sport” agentliyinin məlumatına görə, Yatsek Jelinskinin yetirmələri Belçatovda QKS klubunu 4:0 hesabı ilə məğlub edib. “Qrotslin”in qollarını Adrian Sikora (15 və 76-cı dəqiqə), Pyotr Sverçevski (72) və Pyotr Peçnyak (79) vurub. 23 yaşlı S.Yunisoğlu bu matçda iştirak etməyib. Bu qələbədən sonra xal ehtiyatını 38-ə çatdıran “Qrotslin” bir pillə irəliləyərək 3-cü yerə qalxıb. Yalnız “Visla” (51 xal) və “Leğıya”dan (40) gerı qalan S.Yunisoğlunun komandası çempionatda növbəti oyununu martın 8-də keçirəcək. Qrodzisk təmsilçisi autsayderlər qrupunda yer alan “Polonoya” klubunu qəbul edəcək. Qeyd edək ki, həmin oyunadək - martın 5-də Liqa Kubokunun ¼ finalında “Qrotslin” Odra ilə səfərdə qarşılaşacaq.