Sakit Alıyev 4 oyunluq cəzalandırıldı, klub isə 4000 manat cərimələndi ...AFFA “Turan”ın baş məşqçisi Sakit Alıyevi cəzalandırıb. Bununla bağlı qərar federasiyanın Nizam-İntizam Komitəsinin (NİK) dünən keçirilən iclasında qəbul edilib. S.Alıyev Azərbaycan Premyer Liqasının son turunda “Olimpik”lə “Şəfa” stadionunda keçirilən oyunda icazəsiz meydana girərək, baş hakim Rövşən Əhmədovu qeyri-etik sözlərlə təhqir etdiyi üçün qarşıdakı 4 oyunda texniki zonadan kənarda qalacaq. “Turan” baş məşqçisi intizamsız hərəkəti üçün 4000 manat cərimə ödəməli olacaq. S.Alıyev həmin matçın 7-ci dəqiqəsində qapılarına vurulan topun xətdən keçmədiyini iddia edərək, qolun hesaba alınmasına çılğın şəkildə etirazını bildirib.
Qeyd edək ki, “Turan”ın baş məşqçisi cari mövsümdə ikinci dəfədir ki, eyni hərəkətə görə cəzalandırılır. S.Alıyev ilk dövrənin X turunda “Qəbələ”yə səfərdə 1:2 hesablı məğlub olduqları görüşdə baş hakim Əfqan Həmzəyevi təhqir etdiyindən 4 oyunluq cəza və 4000 manatlıq cəriməyə məruz qalıb. Maraqlıdır ki, S.Alıyev cəzadan qayıtdıqdan sonra ilk oyundaca yenidən diskvalifikasiya olunub.                        27.02.2008