Bu gün müğənni Röya Türkiyənin Star kanalında yayımlanan Pop Star Alaturka yarışmasının qonağı olub. Ağ uzun geyimdə olan müğənni əvvəlcə Azərbaycanın xalq mahnısı "Sarı Gəlin"i oxuyub. Daha sonra Röya repertuarından “Dön gəl” mahnısını ifa edib. Röya ifasını bitirdikdən sonra münsiflər heyətində əyləşən müğənni Orxan Gəncəbay, Bülənd Ərsoy, Ebru Gündeş və televiziya mütəxəssisi Armağan Çağlayanı salamlayıb və bu müsabiqənin Azərbaycan da böyük maraqla izləndiyini söylədi. Daha sonra Röya Bakıdan Nizami adlı şəxsin 15 il əvvəl çəkdiyi, xüsusi olaraq onun üçün göndərdiyi portreti müğənni Orxan Gəncəbaya təqdim etdi.