Müdafiə Nazirliyinin mətbuat xidmətinin rəhbəri müxalifətin fikirlərinin həqiqətə uyğun olmadığını bildirib

    Ermənistanın Müdafiə Nazirliyi Ermənistanın birinci prezidenti Levon Ter Petrosyanın iki nazir müavini tərəfindən dəstəklənməsi haqqında səsləndirdiyi fikirləri təkzib edib. Müdafiə Nazirliyinin mətbuat xidmətinin rəhbəri Seyran Şahsuvaryan müxalifətin fikirlərinin həqiqətə uyğun olmadığını bildirib.

    Xatırladaq ki, Ermənistanda keçirilmiş prezident seçkilərinin nəticələri ilə razılşmayan müxalifət İrəvanın mərkəzində etiraz mitinqi keçirir. Bu gün mitinqdə çıxış edən namizəd Levon Ter Petrosyan Ermənistanın müdafiə nazirinin birinci müavini general Manvel Qriqoryan və onun müavini Qarik Melkonyan müxalifəti qoşulması barədə fikirlər səsələndirmişdi.