İtkin düşmüş 55 yaşlı Zaqatala sakininin meyiti tapılıb. 
Zaqatala Rayon Polis Şöbəsinin (RPŞ) rəis müavini Kamandar Həsənovun APA-nın yerli bürosuna verdiyi məlumata görə, təxminən 1 ay əvvəl itkin düşmüş Yuxarı Tala kənd sakini, 1953-cü il təvəllüdlü Ramiz İsgəndərovun meyiti Zaqatalanın hava limanının ərazisində aşkarlanıb. Rəis müavininin dediyinə görə, cəsədin üzərində heç bir zorakılıq əlamətləri aşkar edilməyib. İlkin ehtimallara görə, R. İsgəndərov donvurmadan ölüb. Faktla bağlı RPŞ-də araşdırma aparılır. Qeyd edək ki, R. İsgəndərov yanvarın 23-ü çalışdığı çilingər sexində dostları ilə yeyib içdikdən sonra itkin düşmüşdü.
|
