Müğənni pərəstişkarlarına yeni mahnılar vəd edir.

Müğənni Röya Ayxan Türkiyədən qayıdıb. Xatırladaq ki, müğənni Türkiyənin Star telekanalında yayımlanan Pop Star Alaturka yarışmasının qonağı olaraq mahnılar ifa edib. Prodüserinin qəzetimizə bildirdiyinə görə, səfərdən yeni qayıdan müğənni hazırda özünü yorğun hiss etsə də, yarımçıq işlərini tamamlamağa çalışır.

“Röya xanım bu proqrama həm qonaq kimi, həm də bu yarışmada iştirak edən həmyerlimiz Aygün Şükürovaya dəstək olmaq üçün dəvət olunmuşdu. Onun korifey sənətkarlar önündə çıxışı çox rəğbətlə qarşılandı. İndi Röyanın görüləsi xeyli işləri var. ”Təkcə səni" adlı klipi tamamlanır, yeni albomları hazırlanır, bunun ardınca “Həyat” mahnısı ekranlaşdırılacaq. Güman edirəm ki, müğənninin yeni klip və mahnıları onun pərəstişkarlarını sevindirəcək".