Orta əsrlərin islam incəsənətini yaxından öyrənənlər bildirirlər ki, sənətkarlar müasir riyaziyyatçıların əsrlər sonra aşkar etdikləri həndəsi modellərdən istifadə ediblər.

Amerikalı tədqiqatçılar 15 əsr nümunələrini aşkar edərkən belə nəticəyə gəliblər ki, orta əsrlərin sənətkarları kvazikristallin həndəsə anlayışından istifadə ediblər.

Bu ondan xəbər verir ki, həmin dövrün sənətkarları mürəkkəb riyazi formulalardan istifadə ediblər.

Science jurnalında dərc olunan məqalədə deyilir ki, bu, 1200-cü ildə islam riyaziyyatında və üslubundakı əhəmiyyətli inkişafdan xəbər verir.

"Onlar riyazi formulaları əks etdirən kafelləri elə ustalıqla düzəldiblər ki, biz onların açmasını yalnız 20-30 il əvvəl tapa bilmişik. Sənətkarların sadə təsvirləri sonradan olduqca mürəkkəb forma alırdı. "

Piter Lunun bu məsələyə marağı Özbəkistana səfəri zamanı yaranıb. Beynəlxalq Kosmik Stansiya üçün fizika sahəsindəki təcrübələri həyata keçirən cənab Lu bölgəyə Türkmənistandakı kosmik imkanları araşdırmaq üçün səyahət edib.

İslam incəsənətində kaliqrafiya, həndəsi və gülləri əks etdirən dizaynlardan istifadə edilir. Belə ki, insanı əks etdirmək bu dinə görə qadağan idi.