iLK PROTEZ QƏDiM MiSiRDE HAZiRLANiB - 13 February 2008

Mançestr universitetinin alimləri ilk protezlərin bizim eradan əvvəl 1000-600-cü illər arasında Misirdə yarandığını ehtimal edirlər. İlk protez olan böyük ayaq barmağı hazırda Qahirə muzeyində saxlanır. Onun analoqu isə Britaniya muzeyindədir. Məhz həmin muzeydəki eksponatın üzərində alimlər yaxın günlərdə tədqiqatlara başlamağı düşünürlər. Qahirə protezi dəridən və ağacdan hazırlanıb. Əgər protezin funsionallığı sübüt edilsə alimlər müasir materiallardan onun analoqunu yaratmağa çalışacaqlar. Xatırladaq ki, indiyə kimi ən qədim protez eradan əvvəl 300-cü ildə Qədim Romada yaradılmış bürünc ayaq hesab edilirdi. O, Londonda Kral kollecində saxlanılırdı. Lakin İkinci Dünya müharibəsi illərində o, bombalama zamanı məhv edilmişdi.