Britni Spirs Los- Anceles dəki evindən təcili yardım maşının köməyi ilə xəstəxanaya aparılıb. Gecə saatlarında UCLA Medical Center-ə gətirilən Spirsi onlarla polis motosiklet və iki vertolyotda müşaiyət edib. Verilən məlumata görə, Spirsin xəstəxanaya yerləşdirilməsinə müğənninin psixiatrının zənginin səbəb olduğu bildirilib. Lakin nə tibbi mərkəzin, nə də Los-Anceles polisinin əməkdaşları bu məlumatı təsdiqləməyiblər.

   Xatırladaq ki, 2007-ci ilin oktyabr ayında məhkəmə Britni Spirsə iki övladını görməyə müvəqqəti qadağa qoymuşdu. Lakin sonradan ona uşaqları ilə həftədə üç dəfə görüşməyə icazə verilitb. Bir şərtlə -görüş zamanı üçüncü şəxs iştirak etməli idi. Müğənni yanvarın 4-dəki növbəti görüş zamanı uşaqları keçmiş həyat yoldaşı Kevin Federlaynın mühafizəçilərinə verməkdən imtina edib. Mühafizəçilər polis və təcili yardım maşını çağırmalı olub. Həmin vaxt Spirsin özündə olmadığı və hərəkətlərinin qeyri-adi olduğu bildirilib. Nəticədə müğğəni hospitala yerləşdirilmiş, bundan başqa, ona uşaqlarını görmək qadağan edilmişdi. Həmin vaxtdan isə Spirsin əsəbi olduğu, sinir sisteminin pozulduğu və istənilən an özünə qəsd edə biləcəyi söylənilirdi.