Avroviziya-2008»-in seçim turunun final mərhələsi başlayıb
Milli seçim Konserti Heydər Əliyev adına İdman və Konsert Kompleksində keçirilir
«Avroviziya-2008»-də Azərbaycanı təmsil edəcək iştirakçının müəyyənləşdirilməsi məqsədi ilə keçirilən seçim turunun final mərhələsi başlayıb. Milli seçim Konserti Heydər Əliyev adına İdman və Konsert Kompleksində keçirilir.
Finalçılar Elnur Hüseynov, Aynur İsgəndərli və «Unformal» qrupudur. Münsiflər heyətinə isə İsmayıl Ömərov, İbrahim Quliyev, Mixail Qusman, Fərhad Bədəlbəyli, Natəvan Şeyxova, Rauf Babayev, Təranə Muradova, Vaqif Gərayzadə, Eldar Bağırov, Lalə Kazımova, Murad Adıgözəlzadə, Azad Quliyev, Afaq Məlikova daxildir.
Tədbirdə «Avroviziya-2003»-ün qalibi Sertab Erener, «Avroviziya-2004»-ün qalibi Ruslana və «Avroviziya-2007»-nin qalibi Mariya Şerifoviç də iştirak edirlər. Final konsertinin aparıcıları isə Hüsniyyə Məhərrəmova və İlham Qasımovdur.
|
