Masin realit sou - 27 January 2008

Xəbər verdiyimiz kimi martın 1-də "Maşın" realiti-şou yenidən efirə çıxacaq.
X news

Telelayihədə müəyyən dəyişikliklər edən təşkilatçılar, deyəsən, anonssuz efirə çıxmağı düşünürlər. Çünki müğənnilərə verilişin tarixi bildirilsə də, əvvəllər olduğu kimi şounun reklamı yayımlanmır. Eyni zamanda efirin tarixi də sirr saxlanılır. Şənbə buraxılışımızda "Maşın"ın martın 1-də yayımlanacağı barədə yazmışdıq. Orada iştirak edəcək müğənnilərin son məlumatına görə, tarix dəyişməz olaraq qalır. Bu dəfə onlar qara "Nissan Teana" uğrunda yarışacaqlar. Ötən gün həmin sənətçilərdən bir qisminin adı bizə bəlli oldu.
Qeyd edək ki, realiti-şounun tamaşaçıları bu dəfə "Maşın" ətrafında estrada ulduzları, aktyorlar, meyxanaçı və digər sənət adamlarının çəkişmələrini və maraqlı söhbətlərini izləyəcəklər. Etibarlı mənbədən əldə etdiyimiz məlumata görə, bunlar arasında - estrada ulduzlarından Aygün Kazımova, Xuraman Şuşalı, Elton, "Şeron" qrupundan bir ifaçı, Teymur Əmrah, meyxanaçı Ağamirzə, aktrisa Vəfa Zeynalova, "Lider" telekanalının bir neçə aparıcısı olacaq. Telelayihəyə şoumenlərdən birinin qatılacağı deyilsə də, onun və digər iştirakçıların adlarını hələ ki, dəqiqləşdirə bilmədik.