Bu uzun illərdə toplanan problemlərin nəticəsidir və bu problemlər qısa müddətdə həll oluna bilməz
ABŞ-ın yeni seçilmiş prezidenti Barak Obama ölkənin iqtisadi durumunun daha da ağırlaşacağı ilə bağlı həmvətənlərinə xəbərdarlıq edib. Obama bildirib ki, ümumdünya maliyyə böhranı uzun illər ərzində toplanan problemlərin nəticəsidir və bu problemlər qısa müddətdə həll oluna bilməz: “Buna görə də iqtisadi durumun daha da kəskinləşəcəyini gizlətmək istəmirəm”.
Qeyd edək ki, ABŞ Əmək Nazirliyi böhranla əlaqədar noyabr ayında 533 min işçinin ixtisara düşdüyünü açıqlayıb. Bu, son 34 il ərzində kütləvi ixtisarlarla bağlı ən yüksək rəqəmdir. ABŞ-da sentyabrda 403 min, oktyabrda isə 320 min nəfər böhranla əlaqədar işdən azad olunub.