"Moskva bəyannaməsi konstruktiv xarakter daşıyır və burada münaqişənin yalnız siyasi yolla və ATƏT-in Minsk Qrupu ilə birgə həlli kimi vacib bəndlər var". Bunu ATƏT-in Minsk Qrupunun amerikalı həmsədri Metyu Brayza ANS-ə müsahibəsində deyib. O bildirib ki, Azərbaycan və Ermənistan prezidentlərinin imzaladığı bu bəyannamə həmsədrlərə Dağlıq Qarabağ munaqişəsinin həlli istiqamətində uğurlu danışıqların aparılması üçün geniş imkanlar verəcək: “İndi Ermənistan və Azərbaycan prezidentləri arasında ciddi danışıqlara başlayır. Çünki indiyə qədər hər iki prezident ciddi qərarlar qəbul etməyə hazır deyildilər. Onlar bir-birlərini yaxşı tanımırdılar. Ancaq indi Ermənistan və Azərbaycan prezidentləri bir-birlərini yaxşı tanıyırlar və ciddi qərarlar qəbul etməyə hazırdılar. Ötən gün qəbul olunan bəyannamədə də deyilir ki, Minsk Qrupu ilə əməkdaşlıq davam etdirilməlidr, hər iki tərəf münaqişənin sülh yolu ilə həllinə çalışacaq və bunun üçün də beynəlxalq təminat olmalıdır". Metyu Brayza, Moskva bəyannaməsini "ATƏT-in Minsk Qrupu həmsədrləri üçün yaşıl işıq" adlandırıb. Onun sözlərinə görə, qurumun fəaliyyətinə hər iki prezident açıq dəstək verir: "Mən düşünürəm ki, bu bəyannamə prezidentlər arasnda danışıqları və münaqişənin həllini daha da tezləşdirəcək. Mən Amerikanı təmisl edən bir həmsədr kimi deyə bilərəm ki, mənim ölkəm də bu sənədi tamamilə dəstəkləyir".
|
