ABŞ-ın «Los-Anceles Qalaksi» klubunun və İngiltərə milli komandasının futbolçusu Devid Bekhemlə həyat yoldaşı Viktoriya şok olayla üzləşiblər.«The Sun» qəzetinin məlumatına görə, Bekhemlər ailəsinin İngiltərədə yerləşən malikanəsindən xidmətçilərin oğurluq etdikləri üzə çıxıb. Devidlə Viktoriya artıq 10 ildir ki, evlərini Erik Emmet və arvadı Juna əmanət ediblər. Onlar Los-Ancelesdə olduqları vaxt xidmətçilər evdən ailə üzvlərinə məxsus əşyaları oğurlayaraq, internet vasitəsilə satışa çıxarıblar.

Viktoriyanın valideynləri Toni və Cekki Adams internetdə qızlarına aid əşyaların satıldığını gördükdən sonra araşdırmaya başlayıblar. Nəticədə onlar oğruların elə «ocaq başında» olduğunu aşkarlayıblar. Artıq oğrular ingilis polisi tərəfindən yaxalanıblar. On ildir evlərini əmanət etdikləri xidmətçilərin tutduğu hərəkətdən şoka düşən Bekhemlər ailəsi etibarlı xidmətçi axtarışına başlayıblar.lent.az