Məşhur sosial set olan Facebook-un yaradıcısı 23 yaşlı Mark Sukerberq rəsmi olaraq dünyanın ən gənc milyarderidir. 1,5 milyard dollar pulun sahibi, Forbes jurnalının milyarderlər siyahısında 785-ci yeri tutur.

Həftəlik Smart Money jurnalının qeyd etdiyinə görə, 16 il əvvəl Forbes jurnalı ilk dəfə alman knyazının oğlu Albert fon Turn und Taksisi öz siyahısına daxil etmişdi.  Iş orasındadır ki, siyahıya alınan uşaqlardan fərqli olaraq Mark Sukerberq var-dövlətini vərəsəliklə əldə etməmiş, özü qazanmışdır. O, bütün bu işləri cəmi 4 il ərzində görmüşdür.

Mark Sukerberq Facebook saytının yaradıcısıdır. Deməli, həm də internetin ikinci versiyası olan Web 2.0 sosial setin müəlliflərindən biridir. Burada tamamilə müxtəlif maraqlar toplanmışdır. Hazırda Web 2.0 – birbaşa öz məqsədli auditoriyasına yol tapmaq istəyən hər bir reklamverənin arzusudur.

Tezliklə  universitet şəhərciyinin sərhədlərini keçmiş Facebook, Harvard universitinin tələbələrinin bir-birlərilə ünsiyyəti üçün sayt kimi düşünülmüşdür. PayPal ödəmə sistemi müəlliflərindən birinin köməyi sayəsində Facebook-un hesabına 0,5 mln. dollar qoymaqla, Sukerberq qısa zaman kəsiyində öz gəlirini artıraraq setlər içərisində ikinci yeri tutdu. O, yalnız yeganə lider olan MySpace-dən geri qalır. Cəmi üç il ərzində universitetin bu adi sosial portalı 19 milyon qeydiyyatdan keçmiş istifadəçi üçün, o cümlədən hökumət və Fortune 500 -ün işçiləri üçün sevimli internet adresinə çevrildi.

Mark Sukerberqin həyatı film ssenarisinə bənzəyir. Super texniki layihə sayəsində Harvardın gələcək tələbəsi özünə son dərəcə böyük şöhrət qazanıb. Böyük sahibkarlar onunla tanış olmaq üçün yataqxanada onu izləyirdilər. Lakin o, təhsili arada qoyur və bütün vaxtını uşaqlara sərf edir. Onun məqsədi mövcud aləmi dəyişməkdir...