Ermənistan Dağlıq Qarabağ münaqişəsinin ATƏT-in Minsk Qrupu çərçivəsində və təklif olunmuş sənəd əsasında sülh yolu nizamlanmasına hazırdır. Bunu Ermənistanın yeni prezidenti Serj Sarkisyan Buxarestdə bəyan edib.
Ermənistan hökumətinin mətbuat xidmətinin məlumatına görə, Serj Sarkisyanın ATƏT-in Minsk Qrupunun həmsədrləri və ATƏT-in fəaliyyətdə olan sədri Ancey Kasprşiklə görüşündə Dağlıq Qarabağ münaqişəsinin nizamlanmasındakı vəziyyət müzakirə edilib. Həmsədrlər Azərbaycan prezidenti İlham Əliyevlə görüşün nəticədəri barədə məlumat veriblər. Serj Sarkisyan isə rəsmi Bakının diplomatik addımları və qoşunların təmas xəttində baş verən hadisələrdən narazatlığını bildirib.
Görüşdən sonra jurnalistlərə açıqlama verən Ermənistan prezidenti bildirib ki, Azərbaycan tərəfi ilə danışıqlar imkanı yarandıqdan sonra proseslə bağlı təəssüratı formalaşacaq. O deyib ki, həmsəlrlər nikbin ruhdadırlar və buna əsasları var. Azərbaycan prezidenti ilə nə vaxt görüşəcəkləri barədə suala cavabında Serj Sarkisyan bildirib ki, o, istənilən kofnrans çərçivəsində görüşə hazırdır.