Dağlıq Qarabağ münaqişəsinin sülh yoluyla həlli naminə Azərbaycan və Ermənistan danışıqları davam etdirməlidir. Bunu Rusiyanın xarici işlər naziri Sergey Lavrov bildirib. ATƏT-in Minsk qrupunun Dağlıq Qarabağ münaqişəsinin nizamlanması istiqamətində fəaliyyətinə toxunan Sergey Lavrov bildirib ki, həmsədrlərin təklif etdiyi baza prinsipləri kifayət qədər sanballı sənəddir və danışıqların davam etdirilməsi üçün yaxşı əsas sayıla bilər. Rusiyanın baş diplomatı münaqişənin nizamlanmasına dair danışıqlar prosesinin heç vaxt dayandırılmadığını və davam etdiriləcəyinə əminliyini ifadə edib. Cənubi Qafqazda münaqişələrlə bağlı mövzunu davam etdirən Sergey Lavrov Abxaziya və Cənubi Osetiyanın müstəqilliyinin tanınması ilə bağlı dövlət dumasının müraciətinin öyrənildiyini də deyib./