Bu gün Finlandiyanın Tampere şəhərində sərbəst güləş üzrə Avropa çempionatı keçiriləcək. Bu yarışda ölkəmizin həm kişi, həm də qadınlardan ibarət yığması qüvvəsini sınayacaq. Çempionat həmçinin Pekin olimpiadasına lisenziya qazandıracaq. Qitə birinciliyində 55 kq olan güləşçilərin mübarizəsində Abil İbrahimov, 60 kq-da Allahverdi Vəliyev, 66 kq-da Emin Əzizov mübarizə aparacaq. Çamsulvara Çamsulvarayev, Novruz Temrezov və Xetaq Qazyumov müvafiq olaraq 74, 84 və 96 kq-larda yarışacaqlar. Ən ağırların mübarizəsində isə Əli İsayev gücünü sınayacaq.

Yarışın ilk günündə döşək üzərinə Abil Ibrahimov, Emin Əzizov, Novruz Temrezov və Əli İsayev cıxacaq. Sabah isə Allahverdi Vəliyev, Çamsulvara Çamsulvarayev və Xetaq Qazyumov qüvvəsini sınayacaq. Aprelin 3-ü isə döşək qadın güləşçilərin ixtiyarına veriləcək. Qitə birinciliyində ölkəmiz 7 mümkün çəkidən 5-də təmsil olunacaq. Hər çəkidə yalnız bir ölkənin güləşçisi Olimpiadaya qatılmaq imkanı əldə edəcək. Onu da qeyd edək ki, ötən il Bakıda keçirilmiş dünya çempionatında qadın güləşçilərimiz Pekin Olimpiadasına 4 mümkün lisenziyadan 3-ü əldə etmişdi. Finlandiyada isə bütün ümüdlər yalnız 72 kq çəkidə yraşıcaq Zümrüd Qurbanhacıyevaya yönəlib.