«Rəsmi İrəvan azərbaycanlı hərbi əsirlərlə bağlı eyni ssnerani həyata keçirir». Bunu Müdafiə Nazirliyi mətbuat xidmətinin rəhbəri Eldar Sabiroğlu bu gün keçirdiyi mətbuat konfransında bildirib. Onun sözlərinə görə, martın 8-də Tovuz rayonu istiqamətində əsir götürülmüş Yaqub Muxtarovun qaytarılması ilə bağlı Ermənistan rəhbərliyinin bəyanatları Samir Məmmədov əsir götürülən vaxt səslənən bəyanatlara bənzəyir.

Eldar Sabiroğlu onu da bildirib ki, Azərbaycan tərəfi Beynəlxalq Qırmızı Xaç Komitəsinin (BQXK) vasitəsi ilə əsir əsgərimizin geri qaytarılması üçün işləri davam etdirir. Xatırladaq ki, BQXK nümayəndələri əsir əsgərlə sonuncu dəfə martın 18-də görüşüblər. Həmin görüşdə Yaqub Muxtarov Azərbaycana qayıtmaq istədiyini bildirib. Onu da qeyd edək ki, əsgərimizin əsirlikdə olduğu 22 gün ərzində cəmi bir məktubu ailəsinə çatdırılıb. /Redaktor/M.Xudaverdi