Prezident Raul Kastronun rəhbərlik etdiyi Kuba hökuməti adi vətəndaşlara da mobil telefondan istifadə etməyə icazə verib. Qeyd edək ki, mobil telefon daha əvvəl lüks sayılır və ondan xarici şirkətlərdə və ya yüksək dövlət vəzifələrində çalışanlar istifadə edə bilirdi. Bu yeni prezident rəhbərliyində aradan qalxan ilk iri miqyaslı qadağa olub. Yerli sakinlər qadağanın aradan qalxmasına çox seviniblər və cəmiyyətin inkişaf etməyə başladığını bildiriblər.

    Qeyd edək ki, Kuba hökuməti ölkə iqtisadiyyatının 90 faizinə yaxınını əlində saxlayır, ev, təhsil və səhiyyə xidmətləri və əsas ərzaq təminatı pulsuz həyata keçirilir. Aylıq orta əmək haqqı 408 peso, yəni təxminən 20 dollar təşkil edir. Qadağa aradan qalxsa da, mobil telefondan istifadə etmək əksər kubalılar üçün həddindən artıq baha olacaq. Lakin rəsmilər müntəzəm olaraq qiymətlərin aşağı salınacağını bildiriblər. /Redaktor/M.Xudaverdi