Bu gündən sonra Türk və Azərbaycan Diaspor Təşkilatlarının Əlaqələndirmə Şurasının fəaliyyətini qurumun nəzdində yaradılmış katiblik yönləndirəcək. Bu qərar Azərbaycan və  Türk  Diaspor Təşkilatlarının Əlaqələndirmə Şurasının Berlində keçirilən  ilk toplantısında  qəbul olunub. Bu haqda  ANS -ə məlumat verən  Prezident Aparatı ictimai-siyasi şöbəsinin müdiri  Əli Həsənov həmçinin toplantıda Azərbaycan və Türk  Diaspor Təşkilatlarının birgə bəyanatının qəbul olunduğunu da bildirib.

    Bəyanatda müasir dünyadakı proseslərin fonunda Azərbaycan və Türkiyənin beynəlxalq hüquq normalarına söykənən  milli haqları  və onlara qarşı olan  bəzi təhdidlər qeyd olunmaqla yanaşı,  beynəlxalq ictimaiyyət  və müxtəlif təşkilatlardan tədbirlrin görülməsi xahiş olunur.