Bədii gimnastika üzrə qrup komandamız Dünya Qran-Prisinə hazırlığı başa çatdırmaq üzrədir. Komandamız Fransanın Tie şəhərində təşkil olunacaq Dünya Qran-Prisində 2 nominasiyada çıxış edəcək. Vəfa Hüseynova, Anna Bitiyeva, Valeriya Yeqay, Alyona Tryopina və Anastasiya Prosolovadan ibarət kvintetimiz əvvəlcə 5 iplə nəzərdə tutulmuş kompozisiyanı müsiflər heyətinə təqdim edəcək. Daha sonra beşliyimiz 3 halqa və 2 cüt gürzlə də çıxış edəcək. Mariana Vasilyevanın yetirmələrinin Dünya Qran-Pri mərhələsində çıxışı martın 29-a planlaşdırılıb. Hadisələrin müsbət axarı sayəsində kvintetimiz yarışların ertəsi günü, finalda da xalça üzərinə çıxacaq.