Kaliforniyanın qubernatoru Şvarsneqqer Klint İstvudu işdən qovub

ABŞ-ın Kaliforniya ştatının qubernatoru Arnold Şvarsneqqer məşhur aktyor Klint İstvudu, həmçinin özünün qaynını işdən qovub. “Terminator” onları təbii parklarla bağlı komissiyada işdən azad edib. Bu, onların həmin parklardan birində pullu yol salmağa qarşı çıxmaları ilə bağlı olub. Şvarsneqqerin həyat yoldaşı Mariya Şrayverin qardaşı Bobbi Şrayver bildirib ki, o, İstvudla birgə bu xəbərdən çaşıblar. “Qubernatorun bizi qovması üçün inandırdıqlarına görə, bu, lobbiçilərin nə qədər güclü olduğuna sübutdur”, deyə Şrayver bildirib. “Parklar onlarda yol salmaq üçün deyillər”, deyə o, əlavə edib. Qeyd edək ki, Şrayver və İstvud işə 2001-ci ildə keçmiş qubernator tərəfindən qəbul olunublar. 2004-cü ildə isə Şvarsneqqer tərəfindən öz vəzifələrində təsdiq olunublar. Şvarsneqqerin mətbuat katibi isə bildirib ki, onlar öz mövqelərinə görə işdən azad edilməyiblər. “Qubernator hesab edir ki, onların hər ikisi çox yaxşı işləyiblər”. /ANS PRESS/